瘋鳥 (Closed)

呢日放lunch同同事去左公司附近食lunch，呢間餐廳既lunch都幾抵食。亦都有好吸引既飲品。我地點左兩個餐，分別係焦糖洋蔥豬扒漢堡配美國薯條同艾菲度蟹肉意大利飯。漢堡扒幾大份，入面塊豬扒好香脆，再配埋熱辣辣既薯條，正！意大利飯好creamy，食落去好味道好香濃，有啖啖蟹肉，好足料！飲品方面，我地點左凍既latte同熱朱古力。點正餐既話跟飲品可以減20蚊，所以好抵！飲品好精緻，熱朱古力有好靚既拉花。