第三站

有朋友喺金雞篤波，就約係最方便佢的餐廳，同一棟樓上cafe食中午， 自從實施禁煙后，呢棟樓畀我感覺就好似冇咁大陣煙臭味， 而且地點方便，可接受。上到去見到地方唔算好大但座位全部都係白色梳化， 畀人感覺幾舒適。叫咗兩個餐，一個墨西哥辣肉丸燴意粉，一個黑松露帶子意大利飯, 連飲品價錢都好實惠，一個76蚊，一個80蚊。 我叫咗個熱榛子咖啡，朋友叫了愚者( 蜜桃玫瑰紅茶)， 另外再叫咗個墨西哥雞翼share墨西哥辣肉丸燴意粉， 肉丸應該有五六粒， 好夠辣。 意粉軟硬度適中，好惹味。黑松露帶子意大利飯， 帶子細粒左啲， 意大利飯軟硬適中，外軟內韌的感覺，很Creamy，所以食左少少就好飽肚。墨西哥雞翼有點似中式雞翼，有紅辣椒，茄膏，酸酸辣辣最後我用另外一個胃，點咗一個甜品朱古力 焦糖多士。 本身我以為會係好似台式嘅厚多士， 但原來唔係，係焊底嘅薄脆多士， 上面有cream,淋上朱古力及焦糖醬，都幾特別，又唔太漏。可以再encore我餐廳。