Video
Read full review
2019-07-11
98 views
位於美麗華既Pizza Maru位置好方便，適合係附近番工或者行街既人去食，而價錢都相當合宜抵食！我地兩個人叫左一個lunch set同一份半半炸雞share，飽到食唔晒！韓國野點都會有餐前伴菜既～烤大蘑菇松子菠茶忌廉意大利粉（$86）意粉軟軟度適中，比好濃郁既菠菜汁包裹住，食落去唔重菠菜味，但十分之香～ 大蘑菇煎得香口，美中不足係得4塊😟 另外我地貪得意加錢另加香炸軟殻蟹，由相片都睇得出佢幾大隻，炸到外脆內軟，值得一讚！而有選擇困難症既我地因為揀唔到食咩味既炸雞好，就決定叫半半炸雞（$198），可以一次過食晒兩款！第一款係蒜香甜辣，一擺上枱我地就聞到到好大陣蒜香味，令人忍唔住要趁熱食！話明係甜辣，就唔會辣到淨係食到辣味，甜甜地又辣辣地好惹味第二款係蜂蜜牛油，依一款唔似蒜香甜辣咁係炸完再同啲醬炒埋一齊，佢係落左好多味粉落炸好既雞上味，入面程度就遜色少少～但係味粉有住好重既牛油味，就好似某款韓國出名蜂蜜牛油薯片一樣！飲品方面我地就叫左一杯蜜柚冰茶同一杯芒果瑪格麗酒～蜜柚冰茶透心涼，十分適合夏天飲用，只係甜左少少！而芒果瑪格麗酒就有少少酒味，係韓國一款類似燒酒既酒精，飲落唔會好嗆，但飲得多
我地兩個人叫左一個lunch set同一份半半炸雞share，飽到食唔晒！
韓國野點都會有餐前伴菜既～
烤大蘑菇松子菠茶忌廉意大利粉
$86
6 views
0 likes
0 comments
烤大蘑菇松子菠茶忌廉意大利粉（$86）
意粉軟軟度適中，比好濃郁既菠菜汁包裹住，食落去唔重菠菜味，但十分之香～ 大蘑菇煎得香口，美中不足係得4塊😟 另外我地貪得意加錢另加香炸軟殻蟹，由相片都睇得出佢幾大隻，炸到外脆內軟，值得一讚！
半半炸雞
$198
2 views
0 likes
0 comments
而有選擇困難症既我地因為揀唔到食咩味既炸雞好，就決定叫半半炸雞（$198），可以一次過食晒兩款！
第一款係蒜香甜辣，一擺上枱我地就聞到到好大陣蒜香味，令人忍唔住要趁熱食！話明係甜辣，就唔會辣到淨係食到辣味，甜甜地又辣辣地好惹味
第二款係蜂蜜牛油，依一款唔似蒜香甜辣咁係炸完再同啲醬炒埋一齊，佢係落左好多味粉落炸好既雞上味，入面程度就遜色少少～但係味粉有住好重既牛油味，就好似某款韓國出名蜂蜜牛油薯片一樣！
飲品方面我地就叫左一杯蜜柚冰茶同一杯芒果瑪格麗酒～
蜜柚冰茶透心涼，十分適合夏天飲用，只係甜左少少！
而芒果瑪格麗酒就有少少酒味，係韓國一款類似燒酒既酒精，飲落唔會好嗆，但飲得多都驚醉架！芒果同酒mix得好好，唔會話飲到兩層分開左既咁～
即使Pizza Maru係連鎖店，但食物質素唔錯，可以一戰！
Post
