銀座神樂屋 (Closed)

今日同事請食飯，由同事拍辦揀左呢個餐廳。事前已經被告知餐廳平日午時好多人幫襯，餐廳午時又無得預約，所以十二點已經去攞位先。結果到大概十二點半時餐廳將近滿。餐廳午時主打日式湯烏冬，或有刺身、丼飯等可供選擇，而午時套餐會跟飲品同軟雪糕。我自己揀左雞肉湯烏冬，配上壽司。烏冬口感滑溜彈牙，即使食到最後都唔會淋哂。撇除胡椒嘅調味，湯自身味道偏淡，因而食得出菜蔬配料嘅味道。但上述嘅胡椒味有啲搶左湯嘅味道，過份突出。壽司方面魚生正常有鮮味。而最後軟雪糕反而有驚喜。雪糕係連碟一齊放入雪櫃保存，所以唔會溶得太快。雪糕呍呢嗱味濃郁，食完湯麵做甜品確實唔錯。套餐份量多，商業區黎講呢個價錢算抵食。餐廳午巿非常忙碌，食午巿要有心理準備要等少少時間先有侍應過黎。