Video
Read full review
2018-09-08
326 views
馬鞍山有美食沙漠既稱號，但當我第一次見到馬鞍山竟然都開左beans，真係好驚喜，因為beans就係品質唔錯，性價比高既cafe & 餐廳，當中意粉同甜品係我最鐘意既。Weekday下午茶時段黎，唔洗等就入得，坐得舒服！呢個時候仍然有lunch menu，因為佢係去到6點，所以3, 4點黎都有lunch menu架，好抵！呢個lunch menu真係抵食，六十零蚊有高質食品包埋凍飲或熱飲，仲有優惠價加配甜品、薯條等。今日一行三人黎到beans，我地就叫左兩個意粉，一個pizza，三個甜品（每件+25蚊），連三杯飲品。咖啡我就無飲，我次次都叫佢既熱檸蜜，個杯好靚，蜜糖幾香。軟殼蟹黑松露忌廉意粉 第一次黎既話 試呢個一定唔會後悔 上到菜都聞到好香既松露味，軟殼蟹好足料，都幾大隻，殼夠軟，佢係偏冧果種，唔係sell脆口，都好！感覺無咁熱氣。意粉麵條質感控制得唔錯，呢樣亦係我鐘意Beans既地方。仲有醬汁夠濃，掛曬上麵條，入口啖啖惹味仲有好多菇，好足料。呢個亦係我既摯愛，又係首次黎叫佢一定唔會後悔！黑蒜帆立貝蜆肉意粉黑蒜真係不得了，有好多，成塊食超惹味，唔會太重口味，剛剛好，成碟意粉有黑蒜同洋蔥
Weekday下午茶時段黎，唔洗等就入得，坐得舒服！呢個時候仍然有lunch menu，因為佢係去到6點，所以3, 4點黎都有lunch menu架，好抵！
呢個lunch menu真係抵食，六十零蚊有高質食品包埋凍飲或熱飲，仲有優惠價加配甜品、薯條等。
今日一行三人黎到beans，我地就叫左兩個意粉，一個pizza，三個甜品（每件+25蚊），連三杯飲品。
咖啡我就無飲，我次次都叫佢既熱檸蜜，個杯好靚，蜜糖幾香。
軟殼蟹黑松露忌廉意粉 第一次黎既話 試呢個一定唔會後悔
上到菜都聞到好香既松露味，軟殼蟹好足料，都幾大隻，殼夠軟，佢係偏冧果種，唔係sell脆口，都好！感覺無咁熱氣。
意粉麵條質感控制得唔錯，呢樣亦係我鐘意Beans既地方。仲有醬汁夠濃，掛曬上麵條，入口啖啖惹味仲有好多菇，好足料。
呢個亦係我既摯愛，又係首次黎叫佢一定唔會後悔！黑蒜帆立貝蜆肉意粉
黑蒜真係不得了，有好多，成塊食超惹味，唔會太重口味，剛剛好，成碟意粉有黑蒜同洋蔥做調味底下，真係啖啖滋味，食到唔想停！唯一唔好既係今次（以前唔會）既蜆食落都有幾多沙影響整體感覺。
pizza因為即叫即整同焗，要等較耐，食曬意粉都未到，但ok既，我地share食，唔餓，傾住計等都ok。
蟹子千島醬芝士帆立貝pizza，平時唔鐘意食pizza既我都覺得好好味！
呢個Pizza切成四份一，每塊係一隻手掌左右大，68蚊仲包飲品黎講真係好抵！佢既批係偏向薄批，但又未至於薄到得皮，剛剛好！我鐘意，因為我最憎食pizza食到食包咁既感覺。仲有佢既topping多汁好味，食落味道立體，一路食真係有汁係pizza上面四圍走，絕對唔會好似平時叫果d pizza咁乾爭爭，dry到爆，呢個pizza 好味。最最最重要係，佢個批！！個批邊不得了，脆口！！直頭好似餅咁！！！好正！！食pizza食到口感咁有層次真係正！推薦佢既pizza！
食完主菜又上甜品喇。
呢個真係睇到佢夠古怪。佢係Dark Mystery，好有gimmic，個個望到都會問咩黎，其實佢入面係白朱古力慕絲，中間就有d香橙醬。我覺得賣相可愛，味道唔錯，不過因為我唔係特別鐘意橙味係甜品出現，所以佢唔係我既摯愛~不過整體黎講唔錯。
呢個賣相好靚，係Passion Tart，不過因為有熱情果，仲有檸檬，所以上面慕絲部分都幾酸下，我鐘意食甜、怕酸既就食到有d驚哈哈，而下面tart位就係有焦糖芯既Tart，就好甜，但又甜得太單一，於是我就切份連埋上面食，omg，上面顯得更酸所以呢件都係唔太啱我，鐘意食酸野既可以試下~
呢個Lychee Lover就最啱我啦！
佢外面係荔枝慕絲，入面係Red velvet（紅絲絨蛋糕），有玫瑰既香味。
唔好意思食到有d衰想比大家睇下入面既red velvet。呢件cake真係超啱我，lychee同玫瑰呢個配搭已經贏曬我個心無得輸！三個cake入面，呢件絕對跑贏成條街
以上就係今日係Beans既下午茶報告，埋單300蚊左右，滿足！超飽！
Post
