鳴虎石頭燒 (Closed)

土瓜灣出名多嘢食，今日經過先知原來呢區有一條好新淨嘅食街， 掛滿紅燈籠，乾淨又闊落，一於試下佢。🏮🏮🏮一眼映入眼簾嘅就係呢間叫鳴虎嘅餐廳，出名燒牛肉，午市套餐就梗係揀《美國M5 和牛蓋飯定食》喇。一大塊一大塊嘅薄切和牛燒完後充滿牛香，撈埋生雞蛋，口感香滑，下飯一流！定食仲包左蛋卷、沙律同埋麵豉湯，呢個價錢食到M5和牛，性價比唔錯！今次仲加咗唔同嘅串燒：雞中翼、鰻魚串、免治雞肉配生雞蛋🥚 用鹽同胡椒做簡單嘅調味，就已經不錯吃了！