Video
Read full review
2019-06-14
568 views
聽家姐講呢間餐廳本身係鴻圖道個邊既，可能租約問題就搬左黎呢邊開，佢話質素都唔錯既。呢間餐廳有日本菜同西餐食既，咁啱收工經過想去食南記，見到四眼哥仔係門口搵客又聽到有T骨扒，就埋去睇下MENU，睇返價錢又幾抵咁，一於試下佢睇返MENU佢有分日本餐同西餐。日本餐有日本丼飯、壽司拼盤揀，西餐就有一個咖哩飯、意粉、石鍋飯同肉食揀。T骨扒就寫住係澳洲產地配上日本山賊汁 (即係有少少甜類似燒汁咁既味道) 配薯菜，包一個湯或沙律，飲品同甜品。落左Order就好快黎左湯同飲品啦~湯就係南瓜湯，湯就唔需要太高要求啦，不過碗湯只係微暖，個人認為可以熱返少少。飲品原來凍奶茶就只有餐廳既皇牌樽仔奶茶，要加$12 除此之外，都有咖啡檸茶檸水之類，最特別係有得揀果醋仲有分凍熱。我就揀左凍白桃味果醋試下，只要加$3凍飲錢，俾著出面啲餐廳應該會當係特飲價錢計算，同埋真係未見過有其他餐廳有果醋揀~都幾特別話咁快個T骨扒黎到啦塊扒都幾大，幾乎蓋過成隻碟！伴碟既薯菜都好有分量，薯角熱辣辣脆卜卜，仲要大大隻！都應該有差唔多十隻！配菜就係一堆牛油粟米同兩舊西蘭花同車厘茄，牛油粟米都幾香甜。不過好明顯係一早整定哂，粟米上面既牛油
呢間餐廳有日本菜同西餐食既，咁啱收工經過想去食南記，見到四眼哥仔係門口搵客又聽到有T骨扒，就埋去睇下MENU，睇返價錢又幾抵咁，一於試下佢
睇返MENU佢有分日本餐同西餐。日本餐有日本丼飯、壽司拼盤揀，西餐就有一個咖哩飯、意粉、石鍋飯同肉食揀。
T骨扒就寫住係澳洲產地配上日本山賊汁 (即係有少少甜類似燒汁咁既味道) 配薯菜，包一個湯或沙律，飲品同甜品。
落左Order就好快黎左湯同飲品啦~湯就係南瓜湯，湯就唔需要太高要求啦，不過碗湯只係微暖，個人認為可以熱返少少。
飲品原來凍奶茶就只有餐廳既皇牌樽仔奶茶，要加$12 除此之外，都有咖啡檸茶檸水之類，最特別係有得揀果醋仲有分凍熱。
我就揀左凍白桃味果醋試下，只要加$3凍飲錢，俾著出面啲餐廳應該會當係特飲價錢計算，同埋真係未見過有其他餐廳有果醋揀~都幾特別
話咁快個T骨扒黎到啦
塊扒都幾大，幾乎蓋過成隻碟！伴碟既薯菜都好有分量，薯角熱辣辣脆卜卜，仲要大大隻！都應該有差唔多十隻！
配菜就係一堆牛油粟米同兩舊西蘭花同車厘茄，牛油粟米都幾香甜。不過好明顯係一早整定哂，粟米上面既牛油都已經凍到結成一粒粒狀態，其實都幾難睇，希望呢方面可以改善下。建議可以上碟前將粟米翻熱，或者索性唔落牛油，健康啲同埋可以更加突顯粟米既鮮甜味道
Ｔ骨扒都幾幼嫩，煎得幾香口惹味，配合個山賊汁都幾得意。因為出佞食扒通常係配蒜蓉汁、黑椒汁或者洋蔥汁，好少見到有山賊汁揀
食哂成碟野都飽到上頭頂，仲未完！仲有甜品，本來以為個甜品只會係布丁奶凍之類，點知係一件朱古力芝士蛋糕。
好彩我不嬲都有個甜品胃，絕對無有怕！
個朱古力芝士蛋糕都幾好食，個味有點似曾相識.....UM.....原來係以前元氣壽司出過個款！唔怪得我覺得咁好食啦！
食埋個甜品，飲埋杯果醋，就出去埋單啦～
Add like同share佢地facebook page原來有9折，又或者預早打黎訂枱都有9折。同埋原來佢地facebook每個禮拜都會upload menu上去，呢個做法都幾好，好少餐廳會咁做
下次搵埋同事收工一齊黎食先！
19 views
0 likes
0 comments
Other Info. :
職員服務態度都幾好
(The above review is the personal opinion of a user which does not represent OpenRice's point of view.)
Post
