宮葉 パフェ (Closed)

好耐之前同friend食過牛頭角店，甘岩係附近就黎食叉燒地獄湯拉麵，拉麵口感適中，算有咬口。地獄湯底堅辣！好岩我胃口！叉燒3大塊，少許油脂，高質加$8有水果茶，當然要試啦，出面成20幾蚊一杯！叫左杯櫻花蘋果茶，唔太甜較清新，最正係好多水果可以食翻！朋友叫既荔枝士多啤梨果茶，超香烏龍茶茶底，因為呢杯水果偏甜飲落會甜過我個杯，但完全唔係人工甜！仲叫左個小食，燒鯖魚，即叫即燒，等左一段時間先有。都幾大條，皮燒得爽脆！肉唔腥又有魚油香！高質抵食！