太平洋咖啡

Open Now

Now Closed

星期日既下午，非常之悠閒。晏d 約左朋友去灣仔，因為時間充裕可慢慢搭船過海吹下海風。落左船都仲係好早，見碼頭一出就有間pacific coffee，忽然好想文青一番。未入到去，先從門口撞爛左人地一個應該係消防制定係乜野既蓋。當時感覺到個袋kuak 到d 野，然後見到有舊膠跌左落地。因為一時之間無法諗到果舊係乜野黎所以最後掂行掂過，後來見職員特登行番出去執起佢同鑲番上去，真係好唔好意思呀！應該成日都有人整跌果舊野...我朝早飲左咖啡了，睇下叫朱古力定抹茶，最後揀左抹茶仙踪。質感比沙冰幼滑得多，抹茶味係唔錯既，甜度都適中，但我expect 抹茶會濃一d (從相中顏色已可反映，我已push 左少少saturation)。同埋原來呢款無cream 的(定係要問先有﹖)，總之下次可能會叫第二樣。