Corefy (Under Renovation)

早排喺ig見到佢哋期間限定嘅抹茶御前盛合$318(非會員價)，看似幾吸引於是就去咗試下。抹茶御前盛合內容包括：1.熔岩抹茶窩夫係惟一ok嘅甜品，窩夫有抹茶味，上面有抹茶cream、士多啤梨、焦糖脆脆、藍莓，味道可以。2.草莓抹茶華爾滋好濟，因為有白玉丸子、茶凍。抹茶雪糕ok，底部嘅草莓脆粒ok，但紅豆麻麻冇咩調味。3.霧の森佢哋ig話係拿破崙，但酥餅似餅乾且好薄，抹茶cream ok。同ig post嘅相片同簡介唔同！！ig post話表面舖上濃濃抹茶、照片有3塊香蕉，但上到嚟嘅係冇濃濃嘅抹茶粉同得1塊香蕉... 多咗嘅係碟邊有啲士多啤梨醬。4.雲朵抹茶同道地解綠茶差唔多。5.抹茶莓姬係膠杯嚟嘅，冇咩士多啤梨味，都係同道地解綠茶差唔多。