點點甜 (Closed)

喺旺角附近食完飯，自然就想食啲甜嘢，我哋就揸車過去一間地舖叫做點點甜嘅糖水舖，見到啲甜品咁吸引，就入去試吓。最方便嘅係架車可以放喺門口嘅咪錶位，非常方便，而且餐廳嘅落地玻璃更可以望出去馬路。餐牌上嘅甜品多款選擇，而且圖文並茂。更有我最鍾意嘅抹茶系列，仲有沙冰、刨冰同埋軟雪糕任君選擇添。抹茶控嘅我，當然要試吓宇治森林，餐牌上嘅圖片已經好吸引，等左唔夠十分鐘就嚟咗了。宇治森林賣相極之吸引，食一啖已經有好濃烈嘅抹茶味道，而且軟雪糕嘅軟硬度適中，再配以紅豆同埋小丸子一齊食，更加有口感。另外朋友叫咗3.6奶凍配水果同埋榴槤忘返，他們都大讚味道新鮮美味。最後我哋四個人食都只係$300埋單，每人平均消費$70左右，價錢合理，而且甜品種類多，必定會再encore。