Video
Read full review
2022-08-17
32 views
之前放假去咗呢間位於柯士甸站嘅小店，雖然keep住客似雲來，但整體來講都坐得好舒服，而且成個環境都好有氣氛，佈置好有質感！🍵日式手工抹茶蕨餅 $40由蕨餅本身嘅抹茶味，到外層嘅抹茶粉，仲有另外淋上去嘅抹茶蜜，抹茶味香濃到你絕對會明白點解佢係鎮店之寶！不得不讚嘅係，呢個手工蕨餅嘅質地非常軟糯，好有咬口，食得出佢係好新鮮製作👍🏻🧇日式抹茶窩夫 $98呢個窩夫絕對係一次過滿足晒你幾個願望，因為佢齊集軟糯嘅白玉同蕨餅、甜而不膩嘅紅豆、香滑嘅忌廉、軟滑細膩嘅抹茶雪糕同埋畫龍點睛嘅抹茶蜜，加埋主角：厚身而且邊邊位好香脆嘅窩夫，真係夠晒豐富🥰🍓抹茶士多啤梨梳打 $48睇住抹茶漸漸地同士多啤梨梳打融為一體，感覺好自癒！一飲落去個抹茶味好香濃，而且每一啖隨飲管啜入口嘅梳打都有士多啤梨粒粒同埋士多啤梨嘅微酸同香甜，開胃得來又夠清新😋
之前放假去咗呢間位於柯士甸站嘅小店，雖然keep住客似雲來，但整體來講都坐得好舒服，而且成個環境都好有氣氛，佈置好有質感！
🍵日式手工抹茶蕨餅 $40
由蕨餅本身嘅抹茶味，到外層嘅抹茶粉，仲有另外淋上去嘅抹茶蜜，抹茶味香濃到你絕對會明白點解佢係鎮店之寶！不得不讚嘅係，呢個手工蕨餅嘅質地非常軟糯，好有咬口，食得出佢係好新鮮製作👍🏻
🧇日式抹茶窩夫 $98
呢個窩夫絕對係一次過滿足晒你幾個願望，因為佢齊集軟糯嘅白玉同蕨餅、甜而不膩嘅紅豆、香滑嘅忌廉、軟滑細膩嘅抹茶雪糕同埋畫龍點睛嘅抹茶蜜，加埋主角：厚身而且邊邊位好香脆嘅窩夫，真係夠晒豐富🥰
🍓抹茶士多啤梨梳打 $48
睇住抹茶漸漸地同士多啤梨梳打融為一體，感覺好自癒！一飲落去個抹茶味好香濃，而且每一啖隨飲管啜入口嘅梳打都有士多啤梨粒粒同埋士多啤梨嘅微酸同香甜，開胃得來又夠清新😋
Post
