茶屋町 (長沙灣道) (Closed)

朋友話呢間茶屋町抵食又大份，今日帶咗屋企人嚟試下。店舖起大街，門面裝修幾靚好似起日本大街餐廳的設計。汁燒鰻魚丼個鰻魚真係超大塊又厚肉，唔怪得朋友話抵食！$88平時起連鎖日本餐廳食，鰻魚一定無咁大條，搞到我係咁影相。鰻魚汁甜甜地配埋個有味的飯，讚！屋企人嗌咗兩款烏冬，一個燒豚肉烏冬同一個汁燒雞扒烏冬，雞扒一樣好大份，又係無唸過咁大份，好多件，嚟到我哋都即刻再望下餐牌，只係$75又唔貴！雞扒燒得唔錯，加埋個汁幾好食。燒豚肉個燒汁一樣好食，但覺得雞扒抵食D。烏冬有得揀湯底，我哋揀咗鰹魚湯，清清地幾好。最後嗌咗兩款甜品試下，意想不到$26的抹茶千層蛋糕可以咁好食，質素幾高！層層分明，抹茶味岩岩好，個cream都打得好，蛋糕夠軟我鍾意。茶屋宇治金時，重點都係個抹茶味雪糕好正，味道質感都好好！呢度的抹茶甜品係有驚喜的，會再嚟！