京都抹茶庵 (Closed)

由於我地唔想咁早返屋企，所以去左K11 商場行下，行過經過見到有抹茶鋪，我老婆係抹茶控黎，所以就去睇下有咩抹茶甜點食下。店鋪門口放了多樣抹茶食品用品，有抹茶美顏皂，抹茶水晶糖等等，亦有多款茶包可以選擇，全部都係抹茶製成，店鋪裝潢以日式風格，店鋪寧靜，每人最低消費一杯飲品或甜點，餐廳亦有輕食選擇，但餐廳以抹茶飲品，雪糕為主。我們點了抹茶蕨餅（$68），冰甜抹茶（$42），冰甜抹茶不甜，但有勁香濃的抹茶味道，行到咁熱，可以解解渴，而抹茶蕨餅，口感煙煙韌韌，撲上厚厚的抹茶粉，抹茶粉苦而不澀，超濃抹茶味，一口接一口，停不了，真的太好味。