Video
Read full review
2022-08-14
435 views
颱風過後，太陽終於出番嚟，趁住好天氣，去咗數碼港行吓。平時係銅鑼灣經過哩間餐廳已經好幾次，但一直無機會試，今次竟然俾我喺數碼港度遇到佢😆，唔試唔得啦😌遠遠已經聞到香噴噴嘅咖啡味☕️餐廳近寫字樓電梯嗰邊，入面嘅座位亦唔多，最多只可以坐10個人左右。數碼港地點唔算方便，雖然餐廳坐滿，但人流唔多。吧枱旁邊有一個小空間，我哋決定係旁邊企喺度食，相信唔太騷擾的話，職員都唔會趕。大多數客人都係一家大小，有小朋友，所以等食物中途見到有枱都無刻意去坐，讓俾其他家庭。今次叫咗CROFFLE W/ MATCHA &HOKKAIDO MILK ICE-CREAM ($68)，可以一次過食哂抹茶味同牛奶味雪糕🍦😋Croffle 係 「Croissant 牛角酥」同「Waffle 窩夫」嘅合體，即係酥皮waffle ，好似興咗一段時間，但我比較落後，今次係第一次聽🤣凍冰冰嘅雪糕，配上熱辣辣嘅croffle，簡直係絕配😍雖然我哋係企喺度食，但係食嘅時候，唔會好狼狽。croffle烘熱咗後，表面有啲焦香，外脆內軟。直接食croffle唔會好甜，配埋雪糕一齊食就岩岩好，我哋好快手就消滅哂兩個croffle😋面層係抹茶雪
平時係銅鑼灣經過哩間餐廳已經好幾次，但一直無機會試，今次竟然俾我喺數碼港度遇到佢😆，唔試唔得啦😌遠遠已經聞到香噴噴嘅咖啡味☕️
餐廳近寫字樓電梯嗰邊，入面嘅座位亦唔多，最多只可以坐10個人左右。數碼港地點唔算方便，雖然餐廳坐滿，但人流唔多。吧枱旁邊有一個小空間，我哋決定係旁邊企喺度食，相信唔太騷擾的話，職員都唔會趕。
大多數客人都係一家大小，有小朋友，所以等食物中途見到有枱都無刻意去坐，讓俾其他家庭。
今次叫咗CROFFLE W/ MATCHA &
HOKKAIDO MILK ICE-CREAM ($68)，可以一次過食哂抹茶味同牛奶味雪糕🍦😋
Croffle 係 「Croissant 牛角酥」同「Waffle 窩夫」嘅合體，即係酥皮waffle ，好似興咗一段時間，但我比較落後，今次係第一次聽🤣
CROFFLE W/ MATCHA & HOKKAIDO MILK ICE-CREAM
$68
13 views
0 likes
0 comments
CROFFLE W/ MATCHA & HOKKAIDO MILK ICE-CREAM
$68
33 views
0 likes
0 comments
凍冰冰嘅雪糕，配上熱辣辣嘅croffle，簡直係絕配😍雖然我哋係企喺度食，但係食嘅時候，唔會好狼狽。
croffle烘熱咗後，表面有啲焦香，外脆內軟。
直接食croffle唔會好甜，配埋雪糕一齊食就岩岩好，我哋好快手就消滅哂兩個croffle😋
面層係抹茶雪糕，雪糕面再撒咗少少抹茶粉，雪糕茶味好濃，質地幼滑、creamy。
中層係北海道牛奶雪糕，對比抹茶，牛奶雪糕相對較甜，但個人覺得甜度屬於適中，口感同樣幼滑。
甜品杯唔係闊口，想食牛奶雪糕的話，要先消滅咗croffle同抹茶雪糕。但係食到底，只係淨返牛奶雪糕就會變得好單調，所以餐廳好聰明地用粟米片鋪底。
一來可以將整杯甜品升高，二來當食完croffle 同抹茶雪糕，仲有粟米片陪襯，可以令口感更豐富，令整個甜品食到尾一直有唔同嘅口感🍨
推薦大家去試吓👍🏻
Post
