Via Tokyo (Closed)

3色雪糕窩夫 $59有培茶、抺茶、牛奶三種口味雪糕，一次過滿足哂三個願望！雪糕軟滑，擺上枱一兩分鐘就開始溶。係抺茶聖地，抺茶味當然出色，甘醇，微甜。培茶味都不得不讚，茶味濃。相比起，牛奶味就遜色左啲，淡淡既無咩奶味。至於幾粒白玉，好煙韌，只係有一邊掂住雪糕，凍到硬左。窩夫擺左十幾分鐘都幾脆。而果條小脆筒，雖然算係配角，但入面充滿朱古力真係好好食。生果抺茶雪糕白玉餡蜜 $54雪糕唔再多講，甜品附上一小杯餡蜜，但實在太甜，倒落雪糕度就會蓋過左抹茶味。幾款生果入面，奇異果同士多啤梨都酸。係勝在有啫喱、白玉、糯米滋、紅豆蓉，令成個甜品變得豐富。