抹茶館 (Closed)

唔知係咪而家佔中既關係, 旺角真係靜左好鬼多, 平時要等位既和民竟然唔洗等直入, 食完飯見對面開左間抹茶館, 又係少人到喊, 今日是週末呢!!!我就忍唔住入左去食我至愛既抹茶雪糕, 花多眼亂樣樣都想食, 見到有個名叫抹茶最中, 覺得好得意, 就叫左黎試下, 下單時問點解叫最中, 佢話係日本譯過黎既, 無意思既, 好好笑上枱之後同相中一樣, 有士多啤梨, 抺茶雪糕, 紅豆蓉同日式丸子,  抺茶雪糕好重抹茶味同奶味, 唔苦, 好滑, 正, 配埋紅豆蓉真係一絕, 抹茶配紅豆係無得輸, 不過最敗筆既係佢裝住雪糕個塊餅, 超難食, 如果因為塊餅所以叫"最中" 我下次會叫返普通抹茶紅豆算數