Via Tokyo (Closed)

食完霸嗎拉麵未夠飽，仲想食甜品，諗起Via Tokyo就喺附近🤓 尖沙咀分店開左之後唔使去到銅鑼灣都食到，好方便！夏天梗係食凍野消消暑首先嗌左厥餅焙茶雪糕，雪糕一如以往既好味，不過比起抹茶味好似甜左少少。兩粒抹茶厥餅唔煙韌，茶匠清水一芳園既出色好多🙁Via Tokyo近排出左日式刨冰，當日有士多啤梨/焦糖忌廉/抹茶/焙茶，仲有季節限定既櫻花味！感覺都係叫番Signature抹茶味最穩陣，結果冇揀錯，真係好好食最頂有海量抺茶忌廉，同抺茶味濃既刨冰一齊食，滿口都係幸福既感覺😍食到底仲有紅豆蓉，旁邊既白玉都好煙韌。唯一要小心既係刨冰好易倒塌😂同另一日本刨冰專門店shari-shari比較，覺得shari-shari既刨冰好食D，但via tokyo既抺茶味冇得輸呢。值得一試！