中村藤吉 (Closed)

香港人對抹茶既熱愛程度日漸加強，過江龍開完一間又一間，今次小弟就試下日本老店中村藤吉。位於尖沙咀 The One 交通方便，車主們更是歡喜，因為食完通常都夠做泊車優惠。18/F 高高在上有無敵景觀，店內開揚又舒服，有機會下午坐低嘆下望下景更是賞心樂事。晚上接近 6pm 開始等，約 40min 入座。小弟對腐皮有種說不出既喜愛，呢個腐皮烏冬一次滿足我對腐皮加抹茶既欲望。腐皮兩大塊好甜，旁邊配有大蔥，令個湯味道多一分層次。清湯應該係木魚煮成，清澈簡單，飲完仲想飲，有停不了的感覺。烏冬同蕎麥麵似係同一個粉整出黎，麵身比蕎麥麵粗少許而更有咬口，但抹茶味唔出，只有睇顏色覺得係同抹茶有關。配菜有牛蒡，健康又好食。芭菲外觀滿分，本來想試焙茶味，不過可惜已經賣晒。芭菲上面有個靚靚“十“字，一層層餡料整齊排列，有白肉丸子、紅豆蓉、抹茶jelly、脆米、雪糕等等。一杯芭菲有晒禁多甜品係入面，最適合咩都想試既貪心朋友。今次試呢個芭菲溶得好快，要影相就要快手d。如果想細心食出每種甜品既味道，建議試番各自既特式甜品，大混雜會令到味道口感變得有d複雜。呢個湯好好飲，飲落去好幼滑，加上內裡既紅豆蓉，有種綿綿既質感。