石磨樂豆

Open Now

Now Closed

大圍圍方呢間石磨樂豆Jollibean原來係新加坡嘅老字號豆乳品牌，佢主打新鮮石磨的豆乳飲品，包裝都幾靚，亦都唔係太甜，啱晒鍾意甜品又追求健康嘅都市人🤓。今次就試咗佢嘅飲品、甜品，同埋吐司嘞。🥤奶蓋芋泥小丸子顏色鮮豔，口感香濃豐富。🥤抹茶紅豆小丸子豆乳經典嘅抹茶紅豆加上豆乳，好香滑，小丸子加上大大粒紅豆，滿足視覺同味覺。🥪鹹蛋黃碎蛋吐司鹹蛋黃+雞蛋碎真係好難唔好食，濃郁蛋香，正呀！🍡三色芋圓西米露豆乳西米露香滑，三色芋圓口感煙靭。可惜我胃口有限，其實仲有好多嘢想試，例如佢有期間限定豆腐花；另外佢仲有幾款熱飲，例如即磨咖啡豆乳，下次我要再試。