宏 (Closed)

一個人走入紅磡區，餐廳選擇太多啦！一早睇到網絡上有人介紹一間日本餐廳，主推日本來貨的抹茶和烏冬，我就黎試試啦！主菜叫左豬骨湯拉麵。我仲加配左叉燒，拉麵好彈牙湯底好清甜，完全無一滴油好健康。叉燒軟腍好入味，完全唔覺得好乾。抹茶拿鐵好濃好甘，入口唔苦唔會有粉末，入口綿綿的好甘甜。戚風蛋糕鬆軟抹茶味輕輕帶出，外層忌廉幼滑唔甜膩。身為甜品控再叫多個士多啤梨pancake。Pancake唔係鬆軟但係完全唔乾身，蛋味濃香士多啤梨好多好甜。上面仲有件布丁！