Via Tokyo

Open Now

Now Closed

有排成日去銅鑼灣，每次經過via tokyo都有人等緊。見到佢嘅menu都幾吸引，好似都係主打抹茶嘅甜品。而我都幾鍾意食抹茶類甜品，所以一直都想試下呢間。咁岩有晚係銅鑼灣食飯，食完散下步，順便食個甜品再返屋企。店入面位置比較窄，要縮埋少少咁坐，呢點希望可以改善到。-抹茶芝士蛋糕，軟雪糕，日本焙茶本身想點卷蛋，可惜當晚賣哂，可能太受歡迎，無緣食到。-抹茶芝士蛋糕芝士蛋糕質感厚實，微甘帶抹茶香。下午茶食其實係不錯嘅選擇，有飽足感但唔會太滯。蛋糕上嘅忌廉頗香甜，都係偏實嘅質感。同行人大讚呢款蛋糕，我自己就覺得係中上但未至於令我驚艷。-軟雪糕抹茶軟雪糕就真係抵讚，因為唔係揀雙拼味道，每一啖都係抹茶濃香。雪糕口感係好綿密厚身，食得出用料上乘。可惜雪糕份量唔算太多，好快就食完。而配料嘅丸子就好大粒，煙韌帶點和菓子香甜。-日本焙茶自己一向唔算愛好飲茶嘅人，連烏龍茶都無興趣，反而跟餐呢個焙茶令我有想一直飲嘅感覺。焙茶入口香醇，茶味有餘香。食蛋糕食到有點膩再飲啖，解滯效果一流。