京都抹茶庵 (Closed)

#抹茶朱古力撻睇menu一眼相中！！食落口確實唔差，撻皮係我鐘意食嘅牛油曲奇撻皮，食落鬆化有咬口。 抹茶朱古力餡料Creamy 夠紮實，值得一提呢個撻嘅抺茶部分用上丸久小山園抺茶，茶味香濃有回甘，聽講鍾意抹茶嘅朋友就係鍾意呢種回甘香，抹茶愛好者可以試下。.#熱抺茶牛奶食完濃味撻再飲埋呢杯抺茶牛奶飽到上心口。 抺茶牛奶我通常都點熱飲，無論甜度同抺茶粉嘅沖調比例上，通常都無涷飲咁易出中伏。呢到嘅抺茶同牛奶充分融合，飲得無茶粉嘅渣渣。 味道中上，牛奶部分應該用上日本全脂奶， 奶香唔會過重，入口微甜，更帶出抺茶飲後回甘嘅aftertaste 。