Patisserie Yamakawa (Closed)

今日係Four Seasons 完咗Event 後行左去IFC CitySuper，知道開咗間新舖於是特登走去試下。之前睇男女見到介紹呢間舖關於抺茶造嘅甜品製作認真， 唔同款式嘅甜品會配搭不同濃淡的抺茶， 而且全是來自日本的京都加上知道它們的蛋卷很出名， 所以就買左以下items︰1．栗子蛋卷好鬆軟， 好香蛋味食落好似綿花一樣。不過略嫌鬆散，其實東海堂都好味喎同抵啲。下次試下半島嘅出品先。2．抺茶布甸好濃郁嘅抺茶味！唔好以為佢好苦， 其實食唔慣甜嘢都覺得佢甜㗎。不過我覺得OK， 睇黎要試下佢其他抺茶甜品。3．Rich Chocolate and Passion Fruit Mousse呢個真係好好味呀！好Rich嘅朱古力味，甜度適中不過裡面嘅熱情果Filling就食唔出有熱情果味。Filling 下面有一塊朱古力脆脆增加層次～真係好正呀，連唔係好食甜品嘅男朋友都讚好。我好心急係的士上已經急不及待要食喇，連相都無影～呵呵。