奇蹟拉麵 (Closed)

朋友係拉麵關注組忠實fans，今次陪佢由黃大仙走到入屯門食拉麵，果然冇令我哋失望！餐廳開12點，但我哋11點20分嚟到已經有3,4位排緊隊，再等多十幾分鐘之後已經排哂長龍，如果想食嘅朋友記得要早至少半個鐘嚟排隊啦~餐廳入面得8個位可以坐，去到12點半嘅時候已經截咗單，真係好誇張！今次叫咗醬油拉麵，麵底偏硬，好啱我胃口湯底都好好飲好鮮甜，咁嘅價錢完全價得再試一次！