俺流塩らーめん (新都會廣場)

Open Now

Now Closed

Hello 大家好，又係我地Hkfunlife小編分享餐廳既時間啦 今日下晏想食拉麵，見到呢間店好似長期坐爆，好奇之下就決定入去試下！呢間拉麵店位於葵芳興芳路223號新都會廣場1樓117號舖，叫俺流塩らーめん。店鋪位於電梯下面，所以坐位會比較散亂，但算闊落光猛。我地到達餐廳後，係門外量度體溫，等10分鐘左右便入座嚕。埋到枱見到枱面清潔、無任何污漬，衛生情況令人滿意。坐低之後，店員提供餐牌，大型嘅餐牌，方便客人點餸及追加。我地好快揀好拉麵就點餐了。今次我地就叫左呢個辛辣熟成濃湯拉麵試下，湯底幾好味，辣度適中，所以就算唔太食得辣既朋友都可以試下。