拉麵太郎 (Closed)

拉麵我會諗起日本 炸雞就會諗起韓國 哩間拉麵將兩樣食物融合 變左哩間店有名氣既炸雞拉麵喇😍原來哩間拉麵店喺京都已經係40年既老店，早前選址灣仔開分店，質素一定有保證啦！共有六款拉麵可選，仲有牛肉丼及各款小食，拉麵店黎講選擇都算多。價錢幾實惠，平過其他拉麵店少少。店內裝潢簡約，座位之間都鬆動，環境寧靜。炸餃子(3隻) $20小食$20有交易，餃子炸到好脆並保存肉汁，好食呀！迷你牛肉丼 $36媽媽話一場黎到想試下個牛肉丼，就叫左碗迷你俾佢。一粒粒珍珠米好有咬口，牛肉幾林，個汁幾好味，我試左一啖就交俾媽媽了，我要食我碗拉麵！炸薯仔牛肉餅 $20哩個小食係有驚喜嫁！炸到勁脆，內層有薯仔加左洋蔥甜甜地，配牛肉碎粒好香，我中意食呀！豚骨拉麵炸雞 $88哇 好豐富呀！我加左流心蛋🤩第一啖當然係飲左湯底先，奶白色既湯好濃既豬骨味，好鮮，哩度係用幼麵，而且麵既份量都幾多，條條麵都沾上湯汁係幸福既味道呀！叉燒肉爽肥瘦剛好，炸雞皮浸住湯有d林，但雞肉好嫩好夠味，炸雞配拉麵係好夾嫁！咖哩拉麵加牛肉 $102媽媽中意濃味野，點左碗咖哩拉麵，個湯係濃濃咖哩味，唔辣既，牛肉加埋叉燒麵幾多肉，岩晒中意食濃味既朋友！