Video
Read full review
2019-01-28
1147 views
成日聽人講丸京既拉麵好好食局長我一直都等緊機會去試下到底係有幾正到左今日終於有機會去試下 睇下到底係咪吹大左先先講下鋪頭 好典型日式拉麵店既格局 有吧枱方便一個人坐低食 亦都有兩張四人枱 咁我今日一個人去就被安排左去吧枱坐啦！四周望一望d環境 發現店內都幾企理 題外話 其實每次局長我去哩d日式餐廳 不論係咩野類形 居酒屋又好 拉麵店又好 壽司店都好都會仔細聽下佢間鋪頭係播緊乜野background music 因為如果入左日式餐廳 但係bgm唔係播日文歌 成件事好奇怪 唔知大家有冇同感呢局長我成日覺得一係你就唔好播 一係你就播純音樂 一係你就播日文歌局長我最唔喜歡就係係日式餐廳聽到韓文歌果d 明明食緊日本野 你話我去食韓國野就話姐！而今次丸京就係播緊日文歌 仲要有幾首都係我自己好鐘意既 加分加分講返正題 佢地menu好簡單 得4款basic 拉麵再加一款每日限定既真叉燒拉麵湯底分濃湯同清湯 食得重口味既我緊係揀濃湯啦 而局長我咁岩又比佢既限定兩隻字吸引住所以就揀左真叉燒拉麵濃湯啦 一上到黎見到真係好多叉燒呀因為佢既真叉燒係用低溫既方法去煮 所以真係非常之嫩滑 仲有種溶係口既感覺 局長
局長我一直都等緊機會去試下到底係有幾正
到左今日終於有機會去試下 睇下到底係咪吹大左先
先講下鋪頭 好典型日式拉麵店既格局
有吧枱方便一個人坐低食 亦都有兩張四人枱
咁我今日一個人去就被安排左去吧枱坐啦！
四周望一望d環境 發現店內都幾企理
題外話 其實每次局長我去哩d日式餐廳
不論係咩野類形 居酒屋又好 拉麵店又好 壽司店都好
都會仔細聽下佢間鋪頭係播緊乜野background music
因為如果入左日式餐廳 但係bgm唔係播日文歌
成件事好奇怪 唔知大家有冇同感呢
局長我成日覺得一係你就唔好播
一係你就播純音樂 一係你就播日文歌
局長我最唔喜歡就係係日式餐廳聽到韓文歌果d
明明食緊日本野 你話我去食韓國野就話姐！
而今次丸京就係播緊日文歌
仲要有幾首都係我自己好鐘意既 加分加分
講返正題 佢地menu好簡單 得4款basic 拉麵
再加一款每日限定既真叉燒拉麵
湯底分濃湯同清湯 食得重口味既我緊係揀濃湯啦
而局長我咁岩又比佢既限定兩隻字吸引住
所以就揀左真叉燒拉麵濃湯啦 一上到黎見到真係好多叉燒呀
真叉燒拉麵
$98
108 views
0 likes
0 comments
因為佢既真叉燒係用低溫既方法去煮
所以真係非常之嫩滑
仲有種溶係口既感覺 局長我真係覺得好好食
都算係我係香港食過數一數二既日式叉燒
湯底亦都同佢所講一樣係超濃口
局長我本身都係重口味之人 真係食得好過癮
相信佢濃湯個底都係用京都風醬油湯為基調
見到d背脂浮哂係面見到都覺得好味
最尾連湯都飲哂 而我咁岩坐隔雜果個人係叫左清湯
我望一望發現清湯真係醬油湯黎
咁濃湯應該都係base on清底再加重口味姐 果然無估錯
而麵質軟硬適中 亦都掛湯 份量就太多啦
見到d叉燒同埋拉麵你都知份量好大
可能局長我本身都唔係食得太多既人啦
唯一一樣唔好就係佢真叉燒拉麵無包半熟玉子
想食既話就要另外加錢買啦賣單好似百零蚊
拉麵黎講唔算好貴啦都唔算話好平既
值得一試
Post
