幸亭拉麵 (Closed)

本人非常喜歡食拉麵，有一次睇到雜誌介紹幸亭拉麵店，俾佢地D拉麵相吸引住，加上有不同雜誌介紹過辛亭拉麵，上得雜誌一定有番咁上下質素，好想去試下，因為有朋友食完之後大讚好食，叫我去試下，所以就約左幾個朋友去試食。果然無令我失望，比想像中更加好食，特別係佢地D湯底十分清甜，完全唔覺得有肥膩既感覺，而且可以飲晒整碗湯都得。佢地既豚肉同叉燒好入味，特別推介佢地既特濃豚骨湯底同黑胡麻湯底，呢2個湯底係佢地既發明，出面無架，夠晒有創意加特別。另外推介佢地個芝士年糕同埋自家制餃子，好足料，好好味。總之黎講我同朋友食完都覺得好過晒果D味千拉麵等等大牌子既拉麵店，加上又抵食，又好味，服務態度又好，服務員十分友善，而且佢地個裝修好有日本feel，又型又新穎！！幸亭拉麵真係好掂，抵我地要排隊等入去，我朋友仲話食拉麵洗咩去日本，呢度有一間啦！！總括黎講我會同同朋友再黎食過，依加諗番起都好懷念佢地個湯底tim，真係一間好好食既拉麵店，抵佢地有咁多客人幫襯，我同朋友都話會再食過，美中不足既地方就係唔夠冷氣，唔夠涼快，可以裝多幾部冷氣機都得，咁就好舒服好完美啦haha