金鶴拉麵 (閩街)

Open Now

Now Closed

好掛住日本拉麵，今次專程黎金鶴試下期間限定，有2款湯底，一個係海老濃厚湯，另外一個係花咲蟹濃厚湯，聽落花咲蟹好似特別啲，所以就叫左呢個黎試。上枱就見到拉麵上有好多蟹肉，同餐牌上嘅圖片一樣咁多，仲有一片叉燒同半個溏心蛋，可以話係非常豐富！湯底好濃郁但又可以飲到蟹肉嘅鮮甜，味道一流。拉麵軟硬適中，同心蛋熟嘅程度都啱啱好，非常美味。 而拉麵嘅份量好多，食完真係超級飽，以呢個質量同份量黎講，$138真係性價比幾高，下次會想食埋另一款另外叫左2款小食：明太子雞翼同鰻魚串燒。呢兩款小食燒嘅火候同時間的掌握得非常好，外脆內軟，雞翼仲有肉汁juicy 。鰻魚十分肥美嫩滑，表皮燒得好香，實在係高水準之作！環境、價錢、服務同食物質素都非常唔錯，會再幫襯！