麵屋武蔵 (新鴻基中心) (Closed)

今日行遠啲，去左新鴻基中心食午餐。本身打算食超級三文治，男朋友揀唔到食咩，佢又想食隔離間拉麵，就去左喇。入到去睇個餐牌，發現原來係之前係尖沙咀食過覺得麻麻嗰間，就一人點一碗麵就算。我叫左黑武骨豚角，佢食白武骨豚角。黎既時候勁熱，見到賣相都不錯，個豚角好大塊。先試一試個湯，黑武骨加左好香既黑蒜油，但唔算太濃。白武骨就太濃，好咸。平時食係黑蒜油會濃味啲，但唔知點解呢間黑蒜油反而清少少（對比起白武骨）。然後試左一啖個豚角，其實都算不錯。不過首先好咸，然後佢太肥，雖然食落係幾腍，不過覺得食左太多肥膏落肚。啲麵份量都幾多，軟硬度適中，唔會太硬或太腍。整體黎講個麵都算唔錯，唔算好突出，不過至少無左上次食覺得好難食，甚至中伏，但係就未必會再去食。