金田家 (Closed)

想試金田家好耐但一直未有機會，琴晚又黎開荃灣西想食拉麵就黎左。喺荃新天地哩間好大間，多座位，裝修仲幾靚，有別一般拉麵店既風格。落完單後店員上左每人一碟小食，覺得幾驚喜，出面冇一間拉麵店係咁，中意食中華沙律。豚骨拉麵 $78唔食蔥既朋友記得要同店員講走蔥哦！我追加左溏心蛋1隻(+$14)同粟米(+$7)。價錢幾抵，奶白色既豬骨湯好香濃，每一條幼麵都能掛湯，大滿足！叉燒燒得好香，肉質滑，溏心蛋略咸左少少，但撈埋湯麵食中和左咸度。親子丼 $62有好多雞同洋蔥，飯既份量都多，用上珍珠米口感更香。男爵薯餅 $38哩2件炸薯餅好正！一甜一咸，二件都好味。甜既係紫薯甘栗，紫薯好甜，炸到好香口。咸既係牛肉薯餅，係食完一啖會上癮既味道。