博多拉麵別天神 (Closed)

今日同男朋友行旺角，咁岩想食日本拉麵，經過呢間小店，好有日本風味，所以就係門口落單，之後入去進食。入面既位置係直接對住廚房，可以見到師傅準備食物有幾咁認真，好想快d有得食。枱面重有水或茶，方便因應喜好，自己斟。重有吾同調味料，一陣可以落係拉麵度。我叫左蝦味噌豚骨湯拉麵，而男朋友叫左別天神套餐，有豚骨拉麵、小龍蝦蟹子沙律同餃子。小龍蝦蟹子沙律有一舊舊既龍蝦肉，配埋蟹子，好爽口，好開胃，幾好食。吾洗幾啖，已經比我同男朋友清哂。餃子有4隻，煎得好香，點埋醬汁食，岩岩好。明明我食左一隻咋，轉個頭就比男朋友食哂。豚骨拉麵一黎到熱辣辣，有濃濃既豬骨湯味，飲落都好足料，配埋叉燒同溏心蛋，碗拉麵好滋味。蝦味噌豚骨湯拉麵湯底更加香，因為加左櫻花蝦，更加滋味。拉麵煮得岩岩好，吾會太冧，係我鐘意既口感。