一豊 (Closed)

想食天水圍食拉麵真係冇咩選擇，今日黎左天耀呢間日本店。中午去到人唔算多，即卡有位坐底左，店入面環境都幾舒服幾大，日式居酒屋既裝修都幾適合朋友小聚。揀左最安全唔易中伏既九州厚切叉燒拉麵，配壽司 / 加州卷，揀左加州卷。整體都不過不失，加州卷唔算特別高質，不過都唔難食，可接受。叉燒拉麵都OK , 叉燒肥瘦岩岩好，拉麵湯唔算話太香濃，淡淡地易入口，麵條亦都夠彈牙，入面既木耳份量都幾多下，亦有大大粒流心蛋。本身想試埋佢既小食同炸物，不過一個人食唔到太多就放棄左。