Brass Spoon (匯豪峰) (Closed)

第一次食呢間越南河係佢新開果陣，果陣既同事又唔怕貴又鍾意試新野。成間餐廳既格局同點餐果d都完全唔似普通既越南菜餐廳，反而同附近豚王，大勝軒果d好似，睇住廚師整牛河，都幾有趣。佢一碗越南河或者撈檬要成舊水，但都不乏食客，lunch都係要排隊先有得食。我記得果陣我食撈檬，味道唔錯既。個送唔記得係烤雞定烤豬，烤得好有燒烤味。今次就試番佢既牛河。牛河湯底幾有牛味，清清地帶d甜味。牛肉係薄身既，口感真係幾好，雖然冇之前我同事講到入口即溶咁誇，但都係幾嫩。配菜夠多，成碗麵整體都整得幾好，份量都夠。落單都好似拉麵店咁用紙剔，有得叫佢落extra既牛油，如果叫左可能個牛味會更上層樓。