鳴虎 (北帝街) (Closed)

因為疫情都好耐冇黎食好西，黎到九龍城其實都係個隱世美食之地，搵到間食日本拉麵新開既小店。環境感覺乾淨舒服，店員服務都唔錯。黑鳴虎 $88第一次食加入左墨魚汁既湯底，帶點鮮香之餘黑蒜味濃郁。雖然麵身比較幼，但麵質口感剛剛好，有嚼勁而且十分掛湯。叉燒都相當有驚喜，呈粉紅色澤食落口感嫩滑。鳴海老 $88雖然都係豚骨湯底，但風味截然不同。蝦味噌味道突出，頗有鮮味，配上溏心蛋同荀非常夾。鳴虎炸蝦仔 $46拉麵唔夠喉黎個小食，脆脆地味道唔錯。