星願 居酒屋 (Closed)

今日自己一個人搵食，突然好想食日本野，於是係屋企附近搵食😋呢間餐廳🍴裝修得好似日本啲好地道嘅居酒屋🏮而且店員好好禮貌，講嘢好溫柔😳餐廳都有好多食物提供，有壽司🍣，拉麵，丼飯，串燒，炸串等，非常豐富👏🏻最後揀左個黑蒜餃子拉麵🍜，呢個拉麵湯底勁濃郁，豬骨味好重，真材實料，配菜又好味😋然後個黑🧄餃子🥟好脆，入面又多汁，仲好飽滿添👍🏻唔夠喉叫多兩件壽司，三文魚腩同油甘魚❤️三文魚腩好肥美，色澤自然！而油甘魚鮮美，食得好滿足呀！