豚道樂 (百合苑商場) (Closed)

日資百貨全盛時期、黃埔花園聚居了很多日本人，日式餐廳亦都特別多，豚道樂進駐黃埔花園，固然信心十足，亦都歡迎同鄕多多指教🤪鍾意食拉麵，原因很簡單，全天候、無論早午晚餐或下午茶都適合，今天閒逛九號水產，行到攰攰地又餓餓地，見到呢間豚道樂，又試下先食拉麵之道，湯底一定係靈魂。原味豚骨拉麵當然係用上大量豬骨熬製，入口是濃郁的湯頭，配合粗幼適中的彈牙拉麵，半湯半麵同吃，湯麵合一就是至高享受。湯底唔使多介紹，豚肉係精準嘅半肥瘦，豬軟骨輭硬合度，薰蛋溏心滑溜，總之成碗麵樣樣都得👍👍👍這款豬豚骨拉麵加上黑松露醬汁，既名貴又惹味，啱曬愛黑松露、又愛拉麵嘅朋友。最愛餃子煎到焦硬嘅底皮, 因為要燶燶地先會脆，呢度嘅餃子微微焦底食落卜卜脆，掂呀😍蜜糖雞翼成日都會食，撈埋咖喱粉醃製又幾好味喎，食拉麵叫多份雞翼，成件事又豐富左。薄薄脆漿包住成隻軟殻蟹，炸得色澤金黃，入口甘香鬆脆，好味👍豚道樂的拉麵吃得出湯底是經過長時間烹煮出來的，炸物有水準，收費亦相當合理，尤其是在九號水產，更加係實惠之選。