火夫

Open Now

Now Closed

完全就係衝住佢既虎蝦拉麵而黎既，呢間火夫長期都好多人排隊，想食既話最好book定枱咁就唔洗排隊。當日夜晚黎到好彩都係排左大約15分鐘就入得～最後成功食到既虎蝦濃湯麵都冇令我失望😌 1⃣️虎蝦濃湯麵（$128） 個湯底真係好濃稠，佢濃既程度已經係好似沾麵咁，但係冇沾麵個汁咁鹹咁膩，每一啖麵都係滿滿既蝦鮮味😍另外面頭既虎蝦都係好正！佢唔係成隻就咁攞去炸，而係面頭裹滿櫻花蝦先，食落又多一層蝦既鮮味同口感～另外入面既蝦肉爽彈新鮮，好好食！  2⃣️蔥卷牛舌（$26） 牛舌配大蔥，面頭有掃上甜甜地既醬汁～  3⃣️廣島蠔豚卷（$28） 豚肉包住中間既蠔肉，外面用黎包覆既豚肉食落有肉汁，蠔肉唔唔算大，但係成個配搭係好食既🤩  4⃣️麥粒味噌青瓜（免費） 一點完菜就送上既，幾開胃，但係味噌有啲過鹹， 。