千羽堂 (Closed)

呢間嘢都算位於香港核心嘅外圍， 即係中環同金鐘之間， 唔係有堂要喺嗰邊中大專業進修學院上， 你係唔會搵到去佢嗰頭食嘢。睇落格調只喺普通日式快餐店，直到個拉麵嚟之後，就覺得物超所值。份量多交足貨之餘，麵底相當驚喜，咬落煙韌入味，而且湯底好入味，冇果種求其開水沖個粉嘅感覺。另一個滑蛋豬扒飯性價比都高，所有嘢都好，尤其喺個豬扒肉乾淨冇多餘肥肉，厚薄一致切到整整齊齊，亦是不錯。然後一個餐咩配料都有齊，有個沙律有個小甜品，去開呢頭行多兩步，都可以嚟一試。