Video
Read full review
2019-07-04
405 views
旭川ラーメン 梅光軒係北海道旭川一間幾有代表性嘅拉麵店，佢喺香港開左之後一路都無機會試，今日咁岩經過，所以試下呢間來頭唔少北海道米之蓮推介嘅拉麵。雖然今日係假期，不過可能時間尚早所以唔算多人，店員好有禮貌問我要熱茶定凍茶。呢度有d拉麵有得揀半份，半份嘅意思係三分一個麵，雖然我好like呢個可以少份量嘅選擇，不過價錢只係平少少，所以好唔抵咁。炙燒五花叉燒配味噌湯 ($98)拉麵黎到，濃郁嘅芝麻帶d味噌湯味芳香撲鼻，當然就即刻試下佢個湯先啦！個湯雖然濃郁不過唔厚身，面頭有一層香油略嫌有點油膩。麵質挺身彈牙。炙燒叉燒燒得好香口，不過太多炭焦，叉燒半肉半肥膏，肥瘦均勻，口感都算淋。個荀令人有d失望，幾條荀唔單止唔入味，而且有d淋有d爽好不一致。我食到一大半嘅時候巳經覺得個湯太漏而食唔到落去😞 雖然佢話味噌湯有微辣不過我就完全食唔出辣味。可能北海道拉麵始終係出名牛油粟米湯底，會再比多一次機會呢間野下次黎試下。最後不得不讚嘅係呢度嘅服務，店員好體貼好有禮貌👍🏻
旭川ラーメン 梅光軒係北海道旭川一間幾有代表性嘅拉麵店，佢喺香港開左之後一路都無機會試，今日咁岩經過，所以試下呢間來頭唔少北海道米之蓮推介嘅拉麵。
雖然今日係假期，不過可能時間尚早所以唔算多人，店員好有禮貌問我要熱茶定凍茶。呢度有d拉麵有得揀半份，半份嘅意思係三分一個麵，雖然我好like呢個可以少份量嘅選擇，不過價錢只係平少少，所以好唔抵咁。
炙燒五花叉燒配味噌湯 ($98)
拉麵黎到，濃郁嘅芝麻帶d味噌湯味芳香撲鼻，當然就即刻試下佢個湯先啦！個湯雖然濃郁不過唔厚身，面頭有一層香油略嫌有點油膩。麵質挺身彈牙。炙燒叉燒燒得好香口，不過太多炭焦，叉燒半肉半肥膏，肥瘦均勻，口感都算淋。個荀令人有d失望，幾條荀唔單止唔入味，而且有d淋有d爽好不一致。我食到一大半嘅時候巳經覺得個湯太漏而食唔到落去😞
雖然佢話味噌湯有微辣不過我就完全食唔出辣味。
可能北海道拉麵始終係出名牛油粟米湯底，會再比多一次機會呢間野下次黎試下。
最後不得不讚嘅係呢度嘅服務，店員好體貼好有禮貌👍🏻
Post
