岩手膳館 (Closed)

香港越來越多人開小店式拉麵，當然好多裝修都做到跟日本差不多，今晚諗唔到食咩係街見到依間拉麵舖就行入去食，去到坐底先睇吓有咩麵揀，而個價錢跟大型拉麵店個價錢差不多，希望佢都有同樣質素或者高過佢哋啦。老公就叫咗碗特盛辣嘅拉麵，我就揀佢哋嘅岩手拉麵（豬骨湯），個碗特盛個湯底有D似辛辣麵嘅味道，而個麵質都夠爽口，個叉燒做得相當唔錯，厚切肉又唔會太淋，係個糖心蛋做得麻麻，而我個岩手拉麵有齊佢哋舖頭嘅餸，裏面有叉燒，肥牛，豬軟骨 所以嘅餸味道都可以嘅，都可以有下次。