拉麵達人 (Closed)

今天喺中午繁忙時間過後先去食，因此店內人流較低，只有一枱客人用膳中😅。店舖裝修都好有日式風格，而且有好多大大小小嘅日式擺設。座位唔算太多，無認真咁數，大約20個以內。主要係四人座同一排單人座。元祖達人拉麵有三款湯底：豬骨濃湯、黑蒜豬骨同北海道味噌湯。我點選了北海道味噌湯底，味噌味濃郁，湯都可以掛上麵條。附上嘅日式叉燒很滑。每次吃拉麵最期待碗底印咗啲咩嘢。飲哂所有湯後，終於睇到碗底喇，原來拉麵達人嘅碗底，印咗「感謝」嘅語句。