Simplylife The East The West (Closed)

是晚同個小靚仔拍拖，佢叫我要揀一間有浪漫氣氛嘅餐廳同佢撐枱腳。人仔細細，竟然咁多要求。但又比我搵到喎，仲有serve佢最愛嘅hamburger，又唔使點等位添﹝早去，around 6點幾，未full)。我見d portion都頗大份，靚仔已order車打芝士煙肉牛肉漢堡，我唯有叫凱撒沙律+雞胸，希望食得哂。點知餐廳會送上麵包同湯，真係好飽啊大佬。先講靚仔個burger，個包係香脆嘅，bacon都唔會太乾，但真sorry 個漢堡扒頗乾。我個凱撒沙律+雞胸(因為見到加$20就有雞胸)，d羅馬生菜真係好新鮮，好脆口，但個雞胸........ 其實可以慳返果$20，好嚡好乾。 餐湯係蕃茄濃湯，ok的，夠熱。成餐飯最好食，就係餐前上嘅麵包，我飽到咩咁都仲要食多片，好新鮮香脆，麵包香非常誘人。