Video
Read full review
2023-05-15
343 views
今日陽光普照，於是蕩咗嚟上環，諗住同黃小姐過一個城市得來又遠離繁囂嘅下午，行行吓，去到上環普慶街嘅一個小角落，見到呢一間門口佈滿鮮花嘅舖頭，本身諗住入去行吓，點知入到去見到一間咖啡店，滿心歡喜，我哋食咗一餐飯。揭開餐牌，都係上環價錢，所以比一般嘅Cafe都貴咗四成，但係都抱着期待嘅心態，諗住試吓佢嘅食物係唔係值回票價。既然係Cafe，我哋就嗌咗一杯咖啡。佢呢度latte嘅份量嚇死人，十分之大杯，一個人飲嘅話，都飽咗一半。適當嘅甜度，提升奶嘅香味，又可以平衡咖啡嘅苦澀，但係又唔會過甜，雖然奶嘅比例搜多，但係絕對冇蓋過咖啡味道，飲落去嘅時候，咖啡嘅濃度剛好，完全唔會有苦澀味，飲得出呢度係偏向比較nutty嘅咖啡，飲到最後仲有微微嘅炭燒味，佢伴碟嘅曲奇，略嫌太甜，會令到成個感覺比較膩。講完咖啡，講吓佢個牛角包， 10分好食，裏面搽咗cream cheese，配上三文魚牛油果同雞蛋，其實呢個組合本身就冇得輸，可能加埋呢度嘅環境同水果伴碟，配合返花花嘅主題，令人食得好暢快。（係真心暢快，有水果成件事清涼咗好多）之後嗌咗一個牛面肉燉長通粉，呢個比較失色，雖然睇上去成煲嘢滿佈芝士，亦都係新鮮出爐，但
揭開餐牌，都係上環價錢，所以比一般嘅Cafe都貴咗四成，但係都抱着期待嘅心態，諗住試吓佢嘅食物係唔係值回票價。
既然係Cafe，我哋就嗌咗一杯咖啡。佢呢度latte嘅份量嚇死人，十分之大杯，一個人飲嘅話，都飽咗一半。適當嘅甜度，提升奶嘅香味，又可以平衡咖啡嘅苦澀，但係又唔會過甜，雖然奶嘅比例搜多，但係絕對冇蓋過咖啡味道，飲落去嘅時候，咖啡嘅濃度剛好，完全唔會有苦澀味，飲得出呢度係偏向比較nutty嘅咖啡，飲到最後仲有微微嘅炭燒味，佢伴碟嘅曲奇，略嫌太甜，會令到成個感覺比較膩。
鮮奶咖啡
19 views
0 likes
0 comments
講完咖啡，講吓佢個牛角包， 10分好食，裏面搽咗cream cheese，配上三文魚牛油果同雞蛋，其實呢個組合本身就冇得輸，可能加埋呢度嘅環境同水果伴碟，配合返花花嘅主題，令人食得好暢快。（係真心暢快，有水果成件事清涼咗好多）
牛角包牛油果三文魚炒蛋
$124
27 views
0 likes
0 comments
之後嗌咗一個牛面肉燉長通粉，呢個比較失色，雖然睇上去成煲嘢滿佈芝士，亦都係新鮮出爐，但係佢嘅味道同顏色完全唔成正比，醬汁顏色睇落好濃，但食落味道十分之淡，而且雖然芝士有焦香，但係裏面嘅一絲絲牛頰肉，係有少少overcook。
芝士牛面頰燉長通粉
$156
57 views
0 likes
0 comments
黃小姐嗌咗一份蜜糖綠茶，冇乜特別，所以唔講，而且佢係茶包，所以定價都偏高，茶香都唔係特別濃郁。上環嚟講，不過不失。
最後喺餐廳嘅店舖裏面流連咗一陣，睇咗一啲自己買唔起嘅精品，聽住啲輕音樂，緩步走出店舖，重投上環嘅懷抱——呢一區嘅文藝氣息不可取替。在半山咖啡店林立，外國人絡繹不絕的街道之中，也可有另一種香港故事。
Post
