Interval | Farmacy (數碼港商場) (Closed)

今日可以暫時放低囝囝，同老公拍拖撐枱腳，好難得😆於是我哋趁黃昏時間入咗數碼港，喺公園睇完日落後去食Interval Farmacy食晚餐，完美嘅行程👏🏼老公鐘意飲（龍蝦湯伴炭烤虎蝦）湯嘅質地濃郁滑順，充滿龍蝦風味😋湯仲伴有大隻虎蝦，有啖啖蝦肉食✌🏼而我自已就幾滿意前菜（乾式熟成薄切油甘魚）油甘魚經過乾式熟成後，肉質更加鮮嫩多汁，仲帶有堅果嘅香氣，好啱配白酒🥂我哋一致同意（煙燻乾式熟成乳鴿）係no.1🤩乳鴿熟成煙燻處理後，散發著獨有嘅煙燻香氣，口味上更豐富🥰最後以（瑪麗娜拉薄餅）作結尾，薄脆餅上面滿佈著新鮮嘅香草、芝士同蕃茄醬，簡單但好味☺️