新牛屋餐廳 (Closed)

呢度係我哋第一次食飯嘅西餐廳，所以一年後我哋再嚟。呢度集蠔吧，酒吧，扒房於一身，係比較懷舊嘅西餐廳。當日客人比較多，我哋被安排坐喺側邊窄嘅枱，餐廳光線好暗，但並唔係浪漫嗰種。我哋叫咗兩份晚餐，晚餐包括小食以及餐湯，一份大嘅海鮮拼盤，有6隻翡翠螺，8隻蠔，4隻赤貝。晚餐嘅蒜茸包以及忌廉湯。蒜茸包香脆，餐湯唔夠Creamy。小食多春魚，春卷。兩樣都新鮮炸起脆卜卜，送酒一流。蠔同赤貝係即開。蠔充滿海水味，赤貝好新鮮，好好味。翡翠螺大大隻，肉質爽。晚餐揀咗羊架，牛扒。大大份，但汁太多而且有啲過鹹，但係薯菜好好味。