三木日本料理 (Closed)

放假食想食下日本野，今次黎到三木。一出地鐵站就到，環境唔錯，幾寬敞。我地大胃couple 兩個人都坐左張4人檯！廢話少講，食左先講，首先梗係食刺身。款式好多，而且新鮮。帶子好滑，三文魚都唔錯，不過我唔太鍾意佢切到一條條，鍾意四四方方一大塊多D。跟住叫左D小食，粟米粒同清酒煮蜆。粟米粒就冇咩特別，不過我好鐘意個蜆，好乾淨，有酒香但係又唔會太濃！唔錯！另外仲嗌左個煙肉白汁帆立貝，畀個名吸引左去嗌，實際冇咩味，有少少失望！之後再嗌左d天婦羅，我就推介南瓜天婦羅，甜甜地又5大厚，亦都5太油膩！食完天婦羅就嗌左d燒D串燒同燒物，燒菠蘿同燒蕃薯係必食既！甜甜地好開胃！而串燒既牛脷同鐵板既厚切牛脷口感唔同，鐘意手脷既人可以一試。另外一提雞軟骨有D肥，麻麻地。甜品之前仲有炸物，推薦香蕉年糕，同可樂餅！(掛住食唔記得影相tim)臨尾我encore左次到最鍾意食既甜品，有超多選擇，我差唔多試哂咁多樣。不過都預左放題既甜品唔會好食得去邊，所以都無咩期望, 不過不失ba~當然啦, 肥豬老婆又係每一樣淺嘗一口，最後由我包底，個人比較鍾意焦糖燉蛋同朱古力慕絲~食物以外，上菜速度好快而且冇漏單。另外侍應服務都唔錯，