Nardo's Cafe (Closed)

拍拖一段時間，每次出來不外乎行街、睇戲、食飯...，有時真係有點悶。我幾鐘意去幫襯樓上cafe，貪其主題、格調、裝潢、餐單、氣氛...不會像連鎖店般千篇一律。這間以board game作主題的cafe，嚮正旺角中心地帶，傾夜左都唔駛擔心冇車搭。我們order了一set二人餐，有齊前菜/湯、小食、主菜、甜品及飲品，價錢算是合理。白菌忌廉蘑菇湯的蘑菇片的份量都唔少，所以味道特別香濃。肯定是即叫即製的雞翼薯條，一定要趁熱吃呀！焗芝士海鮮闊麵的芝士剛剛熔入濶麵中，又有少少焦乾，時間及溫度真的控制得不錯。我女友經常跟我說，女士們是有兩個胃的，其中一個一定是用來食甜品的...她連我嗰份藍莓蛋糕都食埋...無法子啦，好食加上佢又鐘意食，我仲點可以出聲喎!