Video
Read full review
2017-08-14
355 views
一朝早去完會展行左一圈，個人已經攰到爆，又肚餓。。當然係要揾番個地方嘆下，估唔到平時夜晚的紅燈區會有間高級的西餐廳喺度。門面好靚，冷氣夠，入面仲有好靚仔嘅外藉服務員，哈哈。入到去個餐牌嗰度會見到有set lunch，初頭諗住一人帶一個set lunch。但係原來星期六日的話，lunch set係同平日唔同嘅。佢做緊係＄200一個人人頭，包兩個食物(除左中間嗰行唔得之外)加一杯cocktails 。講真平時淨係飲杯嘢飲都已經要＄100啦，所以而家包埋嘢食先至＄200一個人頭，個價錢非常之抵。Gambas Pai Pai用一個細細的鑊仔，上枱時候仲會有渣渣聲。上面嘅鮮蝦咬落去非常之爽，味道就有少少墨西哥風，有香蒜味又辣辣地。Ojo de Bife6安士的肉眼扒，望落去嘅份量唔算好大份。但係食落去個份量都一啲都唔細，切開嘅效果大概係六成熟，口感剛剛好。上面再配埋泰式嘅辣椒蒜蓉，好有融合菜嘅感覺。Esparragos con Huevo Y Jamon好長嘅一個菜式名雖然我都唔識，但係佢呢一個係十分之推薦嘅一個菜式。有四條蘆筍墊底，然後上邊會有巴拿馬火腿，流心蛋同埋沙律醬，佢嘅味道非常之夾，而
入到去個餐牌嗰度會見到有set lunch，初頭諗住一人帶一個set lunch。但係原來星期六日的話，lunch set係同平日唔同嘅。佢做緊係＄200一個人人頭，包兩個食物(除左中間嗰行唔得之外)加一杯cocktails 。講真平時淨係飲杯嘢飲都已經要＄100啦，所以而家包埋嘢食先至＄200一個人頭，個價錢非常之抵。
Gambas Pai Pai
用一個細細的鑊仔，上枱時候仲會有渣渣聲。上面嘅鮮蝦咬落去非常之爽，味道就有少少墨西哥風，有香蒜味又辣辣地。
Ojo de Bife
6安士的肉眼扒，望落去嘅份量唔算好大份。但係食落去個份量都一啲都唔細，切開嘅效果大概係六成熟，口感剛剛好。上面再配埋泰式嘅辣椒蒜蓉，好有融合菜嘅感覺。
Esparragos con Huevo Y Jamon
好長嘅一個菜式名雖然我都唔識，但係佢呢一個係十分之推薦嘅一個菜式。有四條蘆筍墊底，然後上邊會有巴拿馬火腿，流心蛋同埋沙律醬，佢嘅味道非常之夾，而且食材選用非常之新鮮，好正。
Palmitos Y Salmon Ahumado
作為餐前嘅一個沙律係非常之開胃嘅一個選擇，入邊有西式嘅筍，有橄欖，有洋蔥，上面仲會有燈肉，一齊溝埋黎食好Fresh。
仲有呢兩杯非常之靚嘅cocktail ，特別係黃色呢一部熱情果味，飲落去酸酸甜甜，係咁熱嘅天氣來講係非常之解渴。而且飲落去仲會有佢啲果子可以咬下咬下，好爽。
呢度無論係環境，食物又或者飲品個質素都非常之高，我諗除咗午餐之外，晚餐都一定係一個不錯嘅選擇。
Post
